ماطلبه .. رقمك لا نشديبني .. ازعمه راه يا هاتف عزيز انسيني
ولا لك طاري .. يا طول ما رنيت وان جضاري
سماعتك رفعت القيت في انتظاري .. اللى اييد همي وين وين ما ايحكيني
قعدنا طرابة جابدين سهاري .. نشكيلة بما في البال ويشاكيني
واليوم ساكت ليش وايش الجاري .. ونا ننتظر يالاك طالع ديني
بعد تغييبه .. لوكان يا هاتف عزيز اتجيبه
لايم عليه اللوم كان كان اشقيبه .. في فعل داره فيه ما يرضيني
ما با ايعيد بوعيون رغيبه .. يا ثم نهار العيد بكا عيني
ازعمه راه حاطنبه اظروف عصيبه .. حايلين بينه نا قرين وبيني
ولا غلانا سد باب سريبه .. رميت قزازة في صفا راميني
ولا عد اخباره جنا .. با الله عليك عزيز فينا كنا
ساهرين نرجوا والدجا شرغنا .. حتي كي انغفي في المنام ايجني
الغايب بعذره غاب مندرعنا .. انشاء الله المانع خير مو جافيني
ولا عاد جبت اخباره .. اعيون من ايملش من رمق الحبارة
خيالها ايناس العقل دوم اجواره .. و طيفا ايطيف على مو خاطينى
والرقم ان طلبتلها انجيب صغاره .. والمولى بلاهم صبر موعاطيني