انتي سمرا وعيونك سود **** رهيفة عود *** هفا طيفك والناس ارقود
انتي سمرا والدور اكداس*** لك طيب انفاس *** قليل امثالك بين الناس
اتخيلي في لبسة الباس *** وانا مكيود *** مثيل اللي جيشه مطرود
انتي سمرا .....
انتي سمرا والدم خفيف *** احدود الكيف*** انتي مالك في الناس وصيف
انتي اصلك من بيت شريف *** الكل اشهود *** جميع اللي من الناس قعود
انتي سمرا ....
انتي سمرا لون العنبر** وبك نفخر *** الخاطر في اوصافك حاير
سريبك وين علي ايمر *** مطر ورعود *** وانا سامر والناس ارقود